ᑭᖑᓪᓕᐹᖅ ᓄᑕᐅᓯᓕᑎᕐᑕᐅᕕᖓ: -ᔭᓄᐊᕆ 23,2024
ᐊᑐᓯᓚᖓᕕᖓ ᐅᓪᓗᖅ: ᔭᓄᐊᕆ 23,2024

ᑕᕐᖁᑎ ᐊᔪᐃᓐᓇᐅᑎᖃᕐᓯᐊᐳᖅ ᐃᓅᑉ ᑭᓇᐅᓂᖓᓂᒃ ᓱᓇᓂᓪᓗ ᖃᐅᔨᒪᔭᐅᒍᑎᑦᓴᔭᖏᓐᓂᒃ ᓄᐊᑕᒥᓂᒃ ᐱᒍᑦᔨᓂᕐᒥᒍᑦ, ᐃᕐᐸᑎᑦᓯᑌᓕᒐᓱᐊᑦᓯᐊᓱᓂ ᖃᐅᔨᒪᔭᐅᒋᐊᖃᖕᖏᑐᓂᒃ. ᑖᓐᓇ ᒪᓕᒐᖅ ᑕᒪᑐᒧᖕᖓᓕᖓᔪᖅ ᑐᑭᓯᓇᕐᑎᓯᑦᓯᐊᑐᖅ ᐱᔭᕆᐊᑭᑦᑐᓂᓪᓗ ᐅᖃᐅᓯᕐᑕᖃᕐᓱᓂ ᓄᐃᑕᑎᓯᒍᑕᐅᑦᓱᓂ ᓲᓱᒋᔭᖃᑦᓯᐊᓂᑦᑎᓂᒃ ᐃᕐᐸᑎᕆᒋᐊᖃᖕᖏᓂᕐᒥᒃ ᐃᓅᑉ ᑭᓇᐅᓂᖓᓂᒃ ᖃᐅᔨᒪᔭᐅᒍᑎᑦᓴᔭᖏᓐᓂᓗ ᐊᒻᒪᓗ ᐱᓗᐊᕐᑐᒥᒃ ᐱᓇᓱᐊᕈᑎᒋᓲᑦᑎᓂᒃ ᓄᐊᑦᓯᓕᑐᐊᕋᑦᑕ, ᐊᑐᓕᑐᐊᕋᑦᑕ, ᓄᐃᑦᓯᓕᕋᑦᑕ, ᑎᒍᒥᐊᓕᕋᑦᑕ ᓄᖑᑎᕆᓕᑐᐊᕋᑦᑕᓗ ᖃᐅᔨᒪᔭᐅᒍᑎᑦᓴᔭᑎᓐᓂᒃ. ᐱᓇᓱᑦᑎᕗᑦ ᑕᒪᒃᑯᓂᖓ ᑲᒪᒋᔭᖃᕆᐊᖃᕐᐸᑐᖅ (ᐃᕐᐸᑎᕆᐊᖃᖕᖏᑐᓕᕆᔨ), ᑭᓇᐅᓂᖓ, ᓇᓂᓗ ᖃᐅᔨᒋᐊᕐᕕᐅᒍᓐᓇᓂᖓ ᐊᑖᓂ ᐊᓪᓚᓯᒪᑦᓯᐊᑐᖅ, ᓇᓛᒍᑦᓯᐊᑎᑕᐅᓂᕆᒋᐊᓕᖓᓂᒃ ᑲᔪᓯᑎᑕᐅᔭᕆᐊᖃᕐᓂᖓᓂᓪᓗ ᒪᓕᒐᐅᑉ ᐃᑉᐱᒋᔭᖃᕐᑐᖅ.

ᒪᓕᒐᕗᑦ ᓄᐃᑕᐅᒍᑎᖃᕐᓯᒪᔪᖅ ᐱᖁᔭᕐᒥᒃ ᐊᑐᕐᑕᐅᕙᑦᑐᒥᒃ ᐃᕐᐸᑎᕆᒋᐊᖃᖕᖏᓂᕐᒨᑦ, ᐃᓚᖃᕐᓱᓂ ᐃᓅᑉ ᑭᓇᐅᓂᖓᓂᒃ ᖃᐅᔨᒪᔭᐅᒍᑎᑦᓴᔭᖏᓐᓂᓗ ᐊᑦᑕᓇᕐᑐᒦᑦᑎᓯᑌᓕᓂᕐᒧᑦ ᐊᒻᒪᓗ ᖃᕆᑕᐅᔭᑎᒍᑦ ᐊᓪᓚᓯᒪᔪᐃᑦ ᐱᖁᔭᖃᕐᑎᑕᐅᒍᑎᖓᓂᒃ, S.C. 2000, c. 5, ᐱᖁᔭᖅ ᐃᓕᖓᔪᖅ ᐃᓅᑉ ᖃᐅᔨᒪᔭᐅᒍᑎᑦᓴᔭᖏᑦᑕ ᐊᑦᑕᓇᕐᑐᒨᕆᐊᖃᖕᖏᓂᖓᓄᑦ ᐃᒻᒥᒎᓇᕐᑎᓱᑎᒃ ᐱᓇᓱᐊᕐᑐᓂ, RLRQ, c. P-39.1 ᐊᒻᒪᓗ ᐊᓯᖏᑦ ᑯᐯᒻᒥ ᒪᓕᒐᓕᐊᖑᒪᔪᑦ.

ᑭᓇᒃᑯᓄᑦ ᒪᓕᒐᕗᑦ ᐃᓕᖓᕙ?

ᑖᓐᓇ ᒪᓕᒐᖅ ᐃᓕᖓᔪᖅ ᓄᐊᑕᐅᓯᒪᔪᓄᑦ ᐃᓅᑉ ᑭᓇᐅᓂᖓᓂᒃ ᖃᐅᔨᒪᔭᐅᒍᑎᑦᓴᔭᖏᓐᓂᓗ ᐱᓇᓱᐊᕐᓂᑎᒍᑦ, ᐃᓕᖓᖕᖏᑲᓗᐊᕐᓱᓂ ᖃᐅᔨᒪᔭᐅᒍᑎᑦᓴᔭᖏᓐᓂᒃ ᐱᓇᓱᑦᑎᑕ, ᐱᓇᓱᑦᑎᕕᓂᑦᑕ ᐱᓇᓱᒐᕐᑖᕋᓱᐊᕐᑐᕕᓃᓪᓗ ᐅᕙᑦᑎᓂ. ᐱᓗᐊᕐᑐᒥᒃ ᐃᓕᖓᔪᖅ ᖃᐅᔨᒪᔭᐅᒍᑎᑦᓴᓄᑦ ᓄᐊᑕᐅᓯᒪᔪᓄᑦ ᖃᕆᑕᐅᔭᕐᑎᒍᑦ ᑕᑯᒋᐊᕐᑐᕕᓂᐅᓕᕈᑦᓯ ᐅᕙᓂ https://siqinirsiutik.ca/ ᐊᒻᒪᓗ ᖃᐅᔨᒐᓱᐊᕐᕕᓕᕕᓂᐅᓕᕈᑦᓯ ᐅᕙᑦᑎᓂᒃ ᐊᑦᔨᒌᖕᖏᑐᑦ ᑐᓴᕈᑏᑦ ᐊᑐᕐᓱᒋᑦ ᐅᕝᕙᓗᓐᓃ ᐱᑦᔪᔨᕕᑦᑎᓄᑦ ᐁᔪᕕᓂᐅᓕᕈᑦᓯ.

ᖃᐅᔨᒪᒋᑦᓯ, ᑌᒣᓕᖓᒐᓗᐊᕐᑎᓗᒍ, ᐃᕝᕕᑦ ᐃᑉᐱᒋᔭᖃᕐᓂᐸᐅᒋᐊᖃᕋᕕᑦ ᓇᒻᒥᓂᖅ ᐃᓕᓐᓅᓕᖓᑦᓱᑎᒃ ᖃᐅᔨᒪᔭᐅᒍᑎᑦᓴᔭᑎᓐᓂᒃ ᖃᐅᔨᒋᐊᕐᕕᖃᓕᑐᐊᕈᕕᑦ ᐊᓯᖏᓐᓂᒃ ᓯᓚᑖᓂ ᖃᕆᑕᐅᔭᒃᑯᑦ ᖃᐅᔨᒋᐊᕐᕕᓴᔭᐅᔪᓂᒃ. ᑕᒪᒃᑯᐊ ᖃᕆᑕᐅᔭᒃᑯᑦ ᖃᐅᔨᒋᐊᕐᕕᓴᔦᑦ ᒪᓕᒐᖏᑦ ᑕᒪᑐᒧᖕᖓᓕᖓᔪᑦ ᖃᓄᐃᓕᒍᑎᒋᕐᖃᔭᖕᖏᓇᑦᑎᒋᑦ, ᑌᒦᒻᒪᑦ ᑕᑯᒋᐊᑦᓯᐊᐸᖁᔨᕗᒍᑦ ᐊᑐᐊᕐᓯᓯᐊᕐᓗᓯ ᐃᕐᐸᑎᑦᓯᒋᐊᖃᖕᖏᓂᕐᒧᑦ ᐊᓪᓚᑕᐅᓯᒪᒍᑎᐅᔪᓂᒃ ᐅᕝᕙᓗᓐᓃᑦ ᒪᓕᒐᕐᓂᒃ ᐃᓕᖓᔪᓂᒃ ᐊᑦᑕᓇᕐᑐᒦᑦᑎᓯᑌᓕᓂᕐᒧᑦ ᐃᓄᒻᒨᓕᖓᔪᓂᒃ ᖃᐅᔨᒪᐅᑎᑦᓴᔭᓂᒃ ᓄᐃᑎᑕᐅᓯᒪᔪᓂᒃ ᐊᓯᖏᓐᓄᑦ ᐱᓇᓱᐊᕐᕕᐅᔪᓄᑦ.

ᓱᓇᓂᒃ ᐃᓄᒻᒨᓕᖓᔪᓂᒃ ᖃᐅᔨᒪᒍᑎᑦᓴᔭᓂᒃ ᓄᐊᑦᓯᕙᑉᐱᑕ ᓱᓇᒧᓪᓗ ᐊᑐᕐᑐᓴᐅᑎᓪᓗᒋᑦ?

ᐃᓄᒻᒨᓕᖓᔪᑦ ᖃᐅᔨᒪᒍᑎᑦᓴᔦᑦ ᑐᑭᓯᓇᕐᑎᓯᒍᑎᐅᔪᑦ ᐃᓕᖓᔪᓂᒃ ᐃᓄᒻᒧᑦ, ᖃᐅᔨᒪᒍᑎᐅᓂᐊᕋᒥᒃ ᑭᓇᐅᓂᖓᓂᒃ, ᐃᒻᒥᒍᑦ ᓄᐊᑕᐅᓗᑎᒃ ᐅᕝᕙᓗᓐᓃᑦ ᐃᓚᒋᔭᐅᓗᑎᒃ ᐊᓯᖏᓐᓄᑦ ᖃᐅᔨᒪᒍᑕᐅᒍᒪᔪᓄᑦ. ᖃᐅᔨᒪᒋᑦᓯ ᓄᐊᑦᓯᓲᖑᒐᑦᑕ ᐃᓅᑉ ᖃᐅᔨᒪᔭᐅᒍᑎᑦᓴᔭᖏᓐᓂᒃ ᐊᑐᕆᐊᖃᓪᓚᕆᑦᑐᓂᑭᓯᐊᓂ ᓂᐅᕕᕈᒪᔭᕐᓂᒃ ᐱᑦᔪᔭᐅᒍᑎᒋᒍᒪᔭᑎᓐᓂᓗ ᑲᔪᓯᑎᑦᓯᒍᑎᐅᒐᔭᕐᑐᓂᒃ. ᑭᓯᐊᓂᑦᑕᐅᖅ, ᐱᖁᔭᕐᒧᑦ ᐱᕕᖃᕐᑎᑕᐅᒻᒥᒐᑦᑕ, ᐊᑐᕆᐊᖃᑐᐊᕈᑦᑕ ᐃᓕᓐᓅᓕᖓᔪᓂᒃ ᓄᐃᑕᑎᑕᐅᖕᖏᑐᓂᒃ ᑖᑦᓱᒧᖓ ᒪᓕᒐᕐᒧᑦ, ᐃᓕᓐᓄᑦ ᐊᖏᕐᑕᐅᓯᒪᕐᖄᕆᐊᖃᕐᑐᒍᑦ ᑕᒪᒃᑯᓂᖓ ᖃᐅᔨᒪᔭᐅᒍᑎᑎᓐᓂᒃ ᐊᑐᓚᐅᕋᑕ.

ᓄᐊᑦᓯᕙᑦᑐᒍᑦ ᐃᓕᓐᓅᓕᖓᔪᓂᒃ ᖃᐅᔨᒪᐅᑎᑦᓴᓂᒃ, ᐱᕕᖃᕐᑎᑕᐅᓂᒃᑯᑦ ᐱᖁᔭᕐᒧᑦ, ᐅᑯᓂᖓ (i) ᑭᓇᐅᓂᕐᓂᒃ ᓇᓗᓀᕐᓯᒍᑎᓂᒃ, ᐱᕕᖃᕐᑎᑕᐅᒍᑎᑎᓐᓂᒃ ᐅᕝᕙᓗᓐᓃᑦ ᓱᓕᑦᓯᐊᕋᓗᐊᕐᒪᖔᑕ ᖃᐅᔨᒐᓱᐊᕐᓂᑯᑦ, (ii) ᓂᐅᕕᕈᒪᔭᑎᓐᓂᒃ ᐱᑦᔪᔭᐅᒍᑎᒋᒍᒪᔭᑎᓐᓂᓗ ᐊᑐᐃᓐᓇᐅᑎᓯᒍᒪᓕᕈᑦᑕ, (iii) ᐃᓕᓐᓂᒃ ᑐᓴᕆᐊᕐᕕᖃᕈᒪᓕᕈᑦᑕ ᐊᒻᒪᓗ (iv) ᑎᑭᑎᑦᓯᕕᖃᕈᒪᓕᕈᑦᑕ ᑐᓴᐅᒪᔭᐅᒋᐊᓕᓐᓂᒃ, ᐱᐅᒃᑯᑎᑦᓴᐅᒍᓐᓇᑐᐃᓪᓗ ᓄᐃᑕᑎᑕᐅᒍᑎᖏᓐᓂᒃ ᐅᕝᕙᓗᓐᓃᑦ ᐊᓯᖏᓐᓂᒃ ᑐᓴᕋᓱᐊᕈᑎᐅᔪᓂᒃ ᖃᕆᑕᐅᔭᒃᑯᑦ ᐊᓪᓚᓯᒪᔪᑎᒍᑦ ᐅᕝᕙᓗᓐᓃᑦ ᐅᖄᓚᐅᑎᒃᑯᑦ, ᕆᐊᖃᑐᐊᕐᐸᑦ.

ᖃᓄᖅ ᓄᐊᑦᓯᕙᑉᐱᑕ ᐃᓅᑉ ᖃᐅᔨᒪᔭᐅᒍᑎᑦᓴᔭᖏᓐᓂᒃ?

ᐊᒥᓱᐊᖅᑎᖅ, ᓄᐊᑦᓯᖃᑦᑕᖅᑐᒍᑦ ᐃᓕᓐᓂᑦ ᑐᑭᓯᒋᐊᕈᑎᖏᓂᑦ ᐃᓕᓐᓂᑦ. ᑭᓯᐊᓂᓕ, ᖃᓄᐃᓂᐅᔪᓂᑦ ᓄᐊᑦᓯᒍᓐᓇᖅᑐᒍᑦ ᐃᓄᒻᒨᖓᔪᓂᑦ ᑐᑭᓯᒋᐊᕈᑎᓂᑦ ᐊᓯᖏᓐᓂᑦ, ᐊᖏᖅᓯᒪᓂᕐᓄᑦ ᐱᔭᕆᐊᖃᕐᓂᕐᒧᓪᓘᓐᓃᑦ ᒪᓕᒐᖅᑎᒍᑦ.

ᖃᓄᖅ ᓴᐳᑎᔪᓐᓇᕋᑦᑎᒍᑦ ᐃᓕᖕᓅᖓᔪᑦ ᑐᑭᓯᒋᐊᕈᑎᑎᑦ?

ᐊᔪᐃᓐᓇᐅᑎᖃᕐᐳᒍᑦ ᐊᑦᑕᓇᕐᑐᒨᕐᑎᓯᑦᑌᓕᓂᕐᒥᒃ ᐃᓅᑉ ᖃᐅᔨᒪᔭᐅᒍᑎᑦᓴᔭᖏᑦ ᑎᒍᒥᐊᓕᕐᑕᑎᓐᓂᒃ ᒪᓕᒐᐅᒋᐊᓕᕐᑎᒍᑦ ᐊᒻᒪᓗ ᑐᕌᕋᖃᕐᓱᑕ ᐊᑦᑕᓇᕐᑐᒦᑦᑎᓯᓚᖓᖕᖏᓂᕐᒥᒃ ᖃᐅᔨᒪᔭᐅᒍᑎᑦᓴᔭᑎᓐᓂᒃ ᐊᓯᐅᔨᓚᕿᑎᑕᐅᖁᓇᒃ ᐃᓕᓐᓅᓕᖓᔪᒥᒃ, ᑎᓪᓕᒋᔭᐅᖁᓇᒃ, ᐊᖏᕐᑕᐅᒪᖕᖏᑐᒃᑯᓗ ᐅᐃᕖᕐᕆᔭᐅᖁᓇᒃ, ᐃᓕᓐᓅᓕᖓᔪᑦ ᓄᐃᑎᕐᑕᐅᖁᓇᒋᑦ ᐊᒻᒪᓗ ᐊᖏᕐᑕᐅᒪᖕᖏᑐᒃᑯᑦ ᐃᓕᓐᓅᓕᖓᔪᑦ ᐊᑐᕐᑕᐅᖁᓇᒋᑦ.

ᑌᒦᒐᓗᐊᕐᑎᓗᒍ ᖃᐅᔨᒪᒋᑦ, ᐃᓅᑉ ᖃᐅᔨᒪᔭᐅᒍᑎᑦᓴᔭᖏᑦ ᖃᕆᑕᐅᔭᒃᑰᑎᑕᐅᔪᑦ ᐊᑦᑕᓇᕐᑐᒦᓚᕿᒍᓐᓇᒪᑕ. ᐱᕕᓕᒫᒃᑯᑦ ᓴᐳᑦᔨᓯᒪᑦᓯᐊᕋᓗᐊᕈᑦᑕ ᐃᓕᓐᓅᓕᖓᔪᓂᒃ, ᖃᕆᑕᐅᔭᒃᑯᑦ ᓄᐃᑎᕐᑕᕕᓂᐅᔪᓂᒃ ᐃᓚᖓᒍᑦ ᐱᒋᐊᓪᓚᕕᖃᖕᖏᑐᒍᑦ ᐊᑦᑕᓇᕐᑐᒨᕐᑎᑕᕕᓂᐅᑉᐸᑕ. ᓇᒻᒥᓂᒃ ᓄᐃᑎᕆᔪᕕᓂᐅᒍᕕᑦ ᐃᓕᓐᓅᓕᖓᔪᓂᒃ ᖃᕆᑕᐅᔭᒃᑯᑦ, ᖃᐅᔨᒪᒋᐊᖃᕐᑐᑎᑦ ᐊᑦᑕᓇᕐᑑᑐᐃᓐᓇᕆᐊᖃᕐᓂᖓᓂᒃ.

ᐃᓕᓐᓅᓕᖓᔪᐃᑦ ᖃᐅᔨᒪᐅᑎᑦᓴᔦᑦ ᐅᐃᕕᓴᕐᑕᐅᓯᒪᔪᕆᒍᕕᒃᑭᑦ ᐃᓱᒫᓘᑎᖃᕈᕕᓪᓗ ᑕᒪᑐᒧᖕᖓᓕᖓᔪᒥᒃ, ᖃᐅᔨᒋᐊᕐᕕᖃᕈᓐᓇᑐᑎᑦ ᐱᓇᓱᑦᑎᑎᓐᓂᒃ ᐃᕐᐸᑎᕆᐊᖃᖕᖏᑐᓕᕆᔨᒥᒃ , ᐊᑖᓂ ᐊᓪᓚᓯᒪᔪᐃᑦ ᑕᑯᒋᐊᕐᓗᒋᑦ.

ᖃᐅᔨᒪᔭᐅᒍᑎᑦᓴᔭᑎᑦ ᑭᓇᒃᑯᓄᑦ ᑐᓴᐅᒪᔭᐅᑎᒍᓐᓇᖃᕗᑦ ?

ᐱᓇᓱᐊᕐᕕᑎᓐᓂ, ᖃᐅᔨᒪᔭᐅᒍᑎᑦᓴᔭᑎᑦ ᑕᑯᒋᐊᕐᑕᐅᒍᓐᓇᑐᑦ ᐱᓇᓱᑦᑎᓄᑦ ᑕᑯᒋᐊᕈᓐᓇᑎᑕᐅᔪᓄᑦ ᐱᓇᓱᑦᑕᒥᓂᒃ ᑲᔪᓯᑎᑦᓯᒍᑎᖃᕆᐊᖃᓕᕈᑎᒃ. ᑖᒃᑯᐊ ᐱᓇᓱᑦᑏᑦ ᑐᑭᓯᒪᑎᑕᐅᑦᓯᐊᑐᑦ ᐊᑦᑕᓇᕐᑐᒨᓚᕿᑦᑌᓕᒋᐊᖃᕐᓂᒥᒃ ᐃᓅᑉ ᖃᐅᔨᒪᔭᐅᒍᑎᑦᓴᔭᖏᓐᓂᒃ ᐊᒻᒪᓗ ᒪᓕᒐᖃᕆᐊᖓᓂᒃ ᑕᒪᑐᒧᖕᖓᓕᖓᔪᒥᒃ. ᑭᓯᐊᓂ, ᐊᑭᑭᓐᓂᓴᕐᓯᐅᕈᑦᔨᒍᒪᓂᕐᒧᑦ, ᐱᐅᓂᕐᓂᐊᖁᔨᒧᓪᓗ ᐱᐅᒃᑯᑎᑖᕈᒪᒍᕕᑦ ᐱᑦᔪᔭᐅᒍᒪᒍᕕᓪᓗ, ᖃᐅᔨᒪᔭᐅᑎᑦᓯᑐᐃᓐᓇᕆᐊᖃᕐᑐᒍᑦ ᐃᓕᓐᓅᓕᖓᔪᓂᒃ ᐱᓇᓱᐊᕐᕕᑕ ᓯᓚᑖᓃᑦᑐᓄᑦ ᐱᑦᔪᔨᕙᑦᑐᓄᑦ ᐅᕙᑦᑎᓂᒃ ᐱᓇᓱᐊᖃᑎᒋᕙᑦᑕᑎᓐᓄᓗ, ᑮᓇᐅᔭᓕᐅᕋᓱᐊᕐᑎᐅᓂᒃᑯᑦ ᐱᓇᓱᐊᖃᑎᑦᑎᓄᑦ ᐅᕝᕙᓗᓐᓃᑦ ᓂᐅᕕᐊᑦᓴᓕᐅᕐᑎᐅᔪᓄᑦ, ᐃᕐᖃᑐᐃᕕᓐᓄᑦ, ᐱᖁᔭᓂᒃ ᑲᔪᓯᑎᑦᓯᔨᐅᔪᓄᑦ, ᒪᓕᒐᓕᐅᕐᑎᐅᔪᓄᑦ, ᑲᕙᒪᒃᑯᓂ ᐊᖓᔪᕐᖃᐅᑎᓄᑦ ᐅᕝᕙᓗᓐᓃᑦ ᐃᕐᖃᑐᐃᕕᒻᒥ ᐸᓯᑦᓯᔨᐅᑎᑕᓄᑦ ᐅᕝᕙᓗᓐᓃᑦ ᐱᓇᓱᕝᕕᑕ ᓯᓚᑖᓂ ᐱᓇᓱᐊᕐᑎᐅᔪᓄᑦ. ᖃᐅᔨᒪᑦᓯᐊᕆᑦ ᑖᒃᑯᐊᓕᒫᑦ ᓄᐃᑦᓯᕕᒋᑐᐊᕈᑦᑎᒋᑦ ᐃᓕᓐᓅᓕᖓᔪᓂᒃ ᓲᓱᒋᔭᖃᑦᓯᐊᖁᒋᐊᓕᕗᑦ ᒪᓕᒐᐅᑎᑕᐅᔪᓂᒃ ᐊᑦᑕᓇᕐᑐᒦᒋᒃᑯᑎᐅᔪᓂᓗ ᖃᐅᔨᒪᔭᐅᒍᑎᑎᓐᓄᑦ. ᐱᑖᕆᔭᐅᑎᑦᓯᓂᐅᔭᖕᖏᑐᒍᑦ ᖃᐅᔨᒪᔭᐅᒍᑎᑦᓴᔭᑎᓐᓂᒃ, ᓄᐃᑦᓯᒍᓐᓇᕋᓗᐊᕐᓱᑕ ᒪᓕᒐᕐᑎᒎᓕᖓᑎᑦᓯᐊᓗᒋᑦ ᐃᓕᓐᓄᓗᓐᓃᑦ ᐊᖏᕐᑕᐅᒪᑦᓯᐊᕈᑦᑕ.

ᖃᐅᔨᒪᔭᐅᒍᑎᑦᓴᔭᑏᑦ ᖃᐅᔨᔭᐅᑎᑕᐅᒍᓐᓇᐸᑦ ᑐᓄᕙᕐᑕᐅᒪᓗᑎᓪᓘᓃᑦ ᑯᐯᑉ ᓯᓚᑖᓂ
ᐅᕝᕙᓗᓐᓃᑦ ᑲᓇᑕᒥ?

ᐃᓚᖏᑦ ᐊᖏᕈᑎᑎᒍᑦ ᐱᓇᓱᐊᕐᖃᑎᕗᑦ ᐊᓯᖏᓪᓗ ᓯᓚᑖᓃᑦᑐᑦ ᖃᐅᔨᒪᑎᑐᐃᓐᓇᕆᐊᖃᕐᒥᔭᕗᑦ ᐃᓕᓐᓅᓕᖓᔪᓂᒃ, ᐱᓇᓱᐊᕐᕕᖃᑐᐃᓐᓇᕆᐊᓖᑦ ᑯᐯᑉ ᓯᓚᑖᓂ ᑲᓇᑕᒥᓗ. ᐃᓕᓐᓅᓕᖓᔪᓂᒃ ᖃᐅᔨᒪᔭᐅᑎᑦᓯᒋᐊᖃᓕᑐᐊᕋᑦᑕ ᑯᐯᑉ ᓯᓚᑖᓃᑦᑐᓄᑦ ᑲᓇᑕᒦᑦᑐᓄᓪᓗ, ᐱᕕᓕᒫᑦᓯᐊᑯᑦ ᐊᑦᑕᓇᖕᖏᑐᒦᑦᑎᓯᒍᑎᓂᒃ ᐊᑐᕐᑕᐅᑎᑦᓯᕙᑦᑐᒍᑦ ᒪᓕᒐᕗᓪᓗ ᒪᓕᑦᑕᐅᓯᐊᖁᑦᓱᒍ. ᐊᒻᒪᓗᒋᐊᓪᓚᑕᐅᖅ, ᓄᐃᑦᓯᕕᖃᓚᐅᕋᑕ ᑯᐯᑉ ᓯᓚᑖᓃᑦᑐᓂᒃ, ᖃᐅᔨᒐᓱᐊᑦᓯᐊᒪᕆᑉᐸᑐᒍᑦ ᓱᕐᕋᓗᑲᕈᑕᐅᑐᐃᓐᓇᕆᐊᓕᓐᓂᒃ ᐊᓯᖏᓐᓂᓗ, ᐊᑦᑕᓇᕐᑐᒨᓚᕿᖁᔨᖕᖏᒧᑦ ᒪᓕᒐᕐᑎᒍᑦ ᐊᑐᕐᑕᐅᓯᐊᖁᔨᑦᓱᑕ ᐃᓕᓐᓅᓕᖓᔪᑦ ᓄᐃᑎᑕᐅᒋᐊᖃᕐᑐᕕᓂᐅᓕᕐᐸᑕ. ᖃᐅᔨᒪᔭᐅᒍᑎᑦᓴᔭᑎᑦ ᓄᐃᑎᕐᓂᐅᔭᖕᖏᑕᕗᑦ ᖃᐅᔨᒪᑦᓯᐊᖏᓐᓂᓕᒫᑦᑎᓂᒃ ᐊᑦᑕᓇᕐᑐᒦᓚᕿᔭᐅᒐᔭᖕᖏᓂᖏᓐᓂᒃ. ᐃᑉᐱᒋᔭᖃᑦᓯᐊᐸᒻᒥᔪᒍᑦ ᓯᓚᑖᓂᒥᐅᑦ ᖃᐅᔨᒪᔭᐅᒍᑎᑦᓴᔭᑎᓐᓂᒃ ᓄᐃᑦᓯᕕᒋᑐᐊᕈᑦᑎᒋᑦ, ᒪᓕᑦᓯᐊᕆᐊᖃᖁᑦᓱᒋᑦ ᐱᖁᔭᕐᓂᒃ ᐊᑦᑕᓇᕐᑐᒦᒌᒃᑯᑎᐅᔪᓂᓪᓗ ᖃᐅᔨᒪᔭᐅᒍᑎᑎᓐᓄᑦ.

ᖃᓄᖅ ᐊᑯᓃᕐᑎᒋᔪᒥᒃ ᓇᔪᕐᑎᖃᕐᐸᕿᑕ ᖃᐅᔨᒪᔭᐅᒍᑎᑦᓴᔭᑎᓐᓂᒃ?

ᖃᐅᔨᒪᔭᐅᒍᑎᑦᓴᔦᑦ ᓄᐊᓯᒪᔭᕗᑦ ᓇᔪᕐᑎᒋᔭᐅᓲᑦ ᐊᑐᕐᑕᐅᒍᑎᒋᒋᐊᓕᖏᑦ ᐊᓂᒍᖕᖏᓂᖏᓐᓂᒃ ᒪᓕᒐᕐᓂᓗ ᒪᓕᑦᓯᐊᕈᑎᒋᑦᓱᒋᑦ. ᑐᕌᕋᖃᕐᑐᒍᑦ ᖃᐅᔨᒪᔭᐅᒍᑎᑦᓴᔭᑎᑦ ᐊᑐᕐᑕᐅᒋᐊᖃᕐᕕᒥᓂᑭᓯᐊᓂ ᓇᔪᕐᑎᒋᔭᐅᒍᓐᓇᑎᑦᓱᒋᑦ, ᐊᒻᒪᓗ ᐊᑦᑕᓇᖕᖏᑐᒃᑯᑦ ᓄᖑᑎᕐᑕᐅᒍᓯᖃᕐᓱᑎᒃ ᑮᓇᐅᓂᕐᓂᓗ ᐲᕐᓯᕕᐅᑦᓱᑎᒃ ᐊᑐᕐᑕᐅᕕᒋᒋᐊᓕᖓ ᐊᓂᒍᕐᐸᑦ. ᑭᓇᐅᓃᑦ ᐱᕐᑕᐅᒪᓕᕐᐸᑦ ᖃᐅᔨᒪᔭᐅᒍᑎᑎᓐᓂ, ᑭᓇᐅᒻᒪᖔᑉᐱᑦ ᖃᐅᔨᒪᔭᐅᒋᐊᓪᓚᕕᖃᖕᖏᑐᑎᑦ ᑐᕃᓐᓇᑐᒃᑯᑦ ᑐᕃᓐᓇᖏᑦᑐᑯᓪᓘᓃᑦ, ᐅᐱᓐᓇᕋᓂ ᐊᑏᑦ ᐅᑎᕐᑎᒋᐊᓪᓚᕕᖃᖕᖏᒪᑦ ᐲᕐᑕᐅᓯᒪᓕᕋᒥ.

ᖃᓄᖅ ᐱᓇᓱᑦᑎᕗᑦ ᐃᕐᐸᑎᕆᐊᖃᖕᖏᑐᓕᕆᔨ ᖃᐅᔨᒐᓱᐊᕕᐅᒍᓐᓇᖃ?

ᐃᓕᓐᓅᓕᖓᔪᑦ ᖃᐅᔨᒪᐅᑎᑦᓴᔦᑦ ᐱᒻᒪᕆᐊᓘᑎᕙᕗᑦ. ᑎᓕᔨᓯᒪᓕᕐᖁᒍᑦ ᐱᓇᓱᑦᑎᒥᒃ ᐃᕐᐸᑎᕆᐊᖃᖕᖏᑐᓕᕆᔨᒥᒃ ᐃᑉᐱᒍᓱᑦᑎᐅᓂᐊᕐᑐᒥᒃ ᒪᓕᑦᑕᐅᓯᐊᖁᓪᓗᒍ ᑲᔪᓯᑦᓯᐊᑎᑕᐅᖁᓪᓗᒍᓗ ᐱᖁᔭᖅ ᐃᓕᖓᔪᖅ ᐊᑦᑕᓇᖕᖏᑐᒦᒋᐊᖃᕐᓂᖏᓐᓄᑦ ᐃᓅᑉ ᖃᐅᔨᒪᔭᐅᒍᑎᑦᓴᔭᖏᑦᑕ. ᖃᐅᔨᒋᐊᕐᕕᒋᒍᓐᓇᑕᓯ ᐅᕙᓂ:
ᐃᕐᐸᑎᕆᐊᖃᖕᖏᑐᓕᕆᓂᕐᒥᒃ ᐱᓇᓱᐊᕐᑐᖅ
ᐅᖄᓚᐅᑎᖓ: 418-905-1193
ᖃᕆᑕᐅᔭᒃᑯᑦ ᐊᓪᓚᑖᕐᕕᖓ : info@tarquti.ca

ᒪᓕᒐᐅᑉ ᓄᑕᐅᓯᓕᑎᕐᑕᐅᓂᖓ

ᑖᓐᓇ ᒪᓕᒐᖅ ᑲᔪᓯᕕᖃᓚᖓᔪᖅ ᐅᓪᓗᒥᒃ ᐊᓪᓚᓯᒪᔪᒥᒃ ᑕᑦᓱᒪ ᒪᑉᐱᒐᐅᑉ ᖁᓚᓂ ᐃᓇᖐᑦᓱᓂᓗ ᐊᓯᓕᒫᖏᓐᓂᒃ ᓄᐃᑕᐅᖃᑦᑕᓯᒪᔪᓂᒃ. ᓄᐃᑕᐅᖃᑦᑕᓯᒪᔪᕕᓃᑦ ᑕᑯᒋᐊᕈᒪᒍᕕᒃᑭᑦ ᑐᑦᓯᕃᕕᒋᒍᓐᓇᑕᓯ ᐃᕐᐸᑎᕆᐊᖃᑉᖏᑐᓕᕆᔨᕗᑦ. ᑖᓐᓇ ᒪᓕᒐᖅ ᓄᑕᐅᓯᓕᑎᕐᑕᐅᒍᓐᓇᓯᐊᕐᑐᖅ ᕆᐊᖃᕐᑐᕆᓕᕈᑦᑎᒍᑦ ᐊᓯᑦᔨᒋᐊᖃᕐᑐᕆᑦᓯᓕᕈᑦᑕ ᐱᖁᔭᕐᑎᒍᓪᓗ ᐊᕐᒋᐊᕐᑕᐅᒋᐊᖃᕐᑐᖃᓕᕐᐸᑦ. ᒪᓕᒐᖅ ᓄᑕᐅᓯᓕᑎᕐᑕᕕᓂᐅᓕᕐᐸᑦ, ᑕᑯᑦᓴᐅᑎᑕᐅᒐᔭᕐᑐᖅ ᖃᐅᔨᑎᑦᓯᐅᑎᒃ ᖃᕆᑕᐅᔭᒃᑯᑦ ᑕᑯᒋᐊᕐᑕᐅᕕᑦᑎᓂ. ᐊᓯᑦᔨᒌᐊᕈᑏᑦ ᐱᒃᑯᑎᓅᓕᖓᑉᐸᑕ ᐅᕝᕙᓗᓐᓃᑦ ᐊᖏᕐᓯᒪᒋᐊᖃᕈᕕᑦ, ᖃᐅᔨᑎᑕᐅᒐᔭᕐᑐᑎᑦ ᖃᕆᑕᐅᔭᒃᑯᑦ ᐊᓪᓚᕕᐅᓗᑎᑦ ᐊᓪᓚᑖᕐᕕᓴᔦᑦ ᓇᔪᕐᑎᒋᑐᐊᕈᑦᑎᒍ.